اشتہارات

تازه ترېن:

Distruggere il terrorismo e gli aggiornamenti delle persone colpite diluvio di e simpatizzare con il Pakistan, il sostegno continuerà, daktrnataly frnaly Direttore Generale per l'Immigrazione

دہشت گردی اور سیلاب کی تباہ کاریوں متاثر ہ پاکستانی عوام سے ہمدردی ہے ،تعاون جاری رکھیں گے ، ڈاکٹرناتالے فرنالے ڈائریکٹر جنرل آف امیگریشن

انقلاب کانام لیناآسان ،اسے سمجھنا بہت مشکل ہے ،زرداری

10 نکاتی ایجنڈا: حکومت نے عملدرآمد کیلئے ن لیگ سے 4 دن کی مہلت مانگ لی

پی آئی اے بحران کا خاتمہ ،ایم ڈی مستعفی ،ملازمین نے ہڑتال ختم کردی،ایئر پورٹس پر جشن

امریکی سفیرپرواضح کر دیاڈیوس کے معاملے پرفیصلہ عدالتیں کریں گی، نواز شریف

دہشت گردی اور سیلاب کی تباہ کاریوں متاثر ہ پاکستانی عوام سے ہمدردی ہے ،تعاون جاری رکھیں گے ، ڈاکٹرناتالے فرنالے ڈائریکٹر جنرل آف امیگریشن

انٹرویو:فرمان اللہ نیازی;........ علم،محنت ،خلوص ا ورتجربے سے انسان کی خداداد صلاحییتں نکھرتی ہے اور پھر صلاحیتوں کا یہی نکھار انسان کو کامیابیوں کی آخری سیڑیوں تک لے جاتی ہے۔لیکن اس قرہ ارض پر ایسے لوگ بھی ہیں جو بہ یک وقت کامیاب ہونے کے ساتھ ساتھ خوش مزاج،دلکش ہونے کی وجہ سے ہردل عزیز ہوتے ہے جسکے دل میں اپنے ملک وقوم کے ساتھ ساتھ پوری انسانیت کی فلاح و بہبود ،ترقی ،امن وخوشحالی کے افکار،جذبات وخیالات کا دریا موجزن رہتا ہے ۔آج ہم اپنے قارئین کی ملاقات ایسے ہی ایک شخصیت سے کر رہے ہیں جسکا نام ہے ڈاکٹرناتالے فرنالے جو اس وقت اٹلی میں ڈائریکٹر جنرل آف ایمیگریشن کے عہدے پر اپنے فرائض سر انجام دے رہا ہے اور دلچسپ امر یہ ہے کہ موصوف پہلی مرتبہ کسی پاکستانی صحافی کو خصوصی انٹرویو دے رہے ہیں۔موصوف کی عمر 58سال ہے مگر بہترین صحت وتندرستی اور زندہ دلی کی وجہ سے اپنی عمر سے 15سال کم معلوم ہو تے ہیں۔صوبہ بیرگمو میں پیدا ہوئے اعلیٰ تعلیم یافتہ ہیں ۔کیتھی یونیورسٹی سے سو شیالوجی میں ڈپلومہ کرنے کے بعدمختلف ڈیپارٹمنٹس میں اعلیٰ عہدوں پر فرائض سر انجام دے چکے ہیں۔انکے دو بچے ہیں جس میں ایک کی عمر 30جبکہ دوسرے کی عمر26سال ہے بیوی اور سب پوری محنت اور لگن سے کام کرتے ہیںان کا تعلق کرسچین کیتھولک مذہب سے ہے اور ایک خوشحال گھرانہ ہے اپنی خصوصی انٹرویو میں انہوں نے کہا کہ ہم تمام مذاہب کا احترام کرتے ہیںاور اٹلی میں بھی تمام رہنے والوں کو مکمل مذہبی آزادی حاصل ہے کیونکہ پوری انسانیت کا ااحترام ہم اپنا فریضہئ اولین سمجھتے ہیں ۔اس موقع پر پاکستان پیپلز پارٹی اٹلی کے چیف کوآردینیٹرسیف اللہ رانجھا بھی موجود تھے۔ناتالے فرنالے نے کہا کہ پاکستان کے لیے بھی ہمارے خیالات وجذبات ہمدردی اورخلوص پر مبنی ہے حال ہی میں اٹلی حکومت نے فلوشی﴿کنٹیکٹ﴾پر لوگوں کو دوسرے مما لک سے منگوانے کا اعلان کیا ہے جس میں پاکستانی بھائیوں کیلئے1000افراد کا کوٹہ مقرر کیا گیا ہے کیونکہ ہمیں معلوم ہے کہ پاکستانی عوام دہشت گردی اور سیلاب کی تباہ کاریوں سے حد درجے متاثرہوئے ہیں اس لیے ہماری کوشش ہوگی کہ ہم پاکستانی بھائیوں سے زیادہ سے زیادہ ہمدردی کے بارے میں سوچیں انہوںنے کہا کہ اس وقت اٹلی میں280000غیر ملکی جو قانونی طور پر مقیم ہیں وہ بھی بے روزگار ہیں لیکن ان بے روزگار افراد کو مناسب روزگار فراہم کرنا بھی ہمارے ترجیحات میں شامل ہیں موجودہ حالات میں کوٹہ بڑھانے کا کوئی امکان نہیں ہے لیکن سٹوڈنٹس ویزوں کے علاوہ ہنر مند،پروفیشنلز اور تجربہ کارافراد کو پاکستان سے منگوانے کے لیے سوچ رہے ہیں انہوں نے کہا کہ قانونی کاغذات حاصل کرنے کے سلسلے میں اٹلی حکومت پاکستانی کمیونٹی سے خاص طور پر نرمی کر رہی ہے کیونہ پاکستان کے داخلی حالات کی وجہ سے پاکستانی عوام معاشی بد حالی کی وجہ سے دربدر ہیں ۔پاکستان میں اٹلی ایمبیسی کے حوالے سے انہوں نے کہا کہ وہاں اس وجہ سے کام لیٹ ہو جاتا ہے کہ پاکستان کے اندرونی حالات خراب ہیں تو ان حالات کے پیش نظر کام لیٹ ہو جاتا ہے لیکن امید کی جا رہی ہے کہ پاکستان کے حالات بہتری کی جانب گامزن ہونگے اور وہ اس لئے کہ پاکستان میں اٹلی ایمبیسی اور اٹلی میں پاکستانی ایمبیسی مکمل تعاون اور رابطے کررہے ہیں۔چونکہ یہ میرا محکمہ نہیں ہے لیکن میری پھر بھی کوشش ہوگی کہ ہم سے جتنا بھی ہو سکے آسانیاں پیدا ہو سکے ۔انہوں نے کہا کہ جو لوگ دو دفعہ سیزنل ویزے پر اٹلی آچکے ہیں تیسری دفعہ انہیں ویزہ لگانے کی ضرورت نہیں ہے۔پاکستانی لوگ جو اٹلی میں مقیم ہیں وہ پر امن لوگ ہیںاور ان سے ہمیں کوئی شکایت نہیں ہے۔یاد رہے کہ اس وفد میں PPPPاٹلی کے چیف کوآرڈینیٹر سیفاللہ رانجا بھی موجود تھے۔ڈاکٹر ناتالے فرنالے نے کہا کہ اٹلی کے عوام اور حکومت کی خواہش ہے کہ پاکستان سمیت پوری دنیا میں امن ،خوشحالی اور ترقی ہو اور پوری دنیا کے لوگ پر امن ارتقائی مراحل سے گزر کر نئی پر امن ادوار میں آگے بڑے اور پوری دنیا میں بھائی چارے کی فضائ قائم ہو تا کہ پوری عالم انسانیت بلاتفریق،بلا رنگ ونسل نئی دنیا کے ترقی کے ثمرات سے مستفید ہو سکے۔آخر میں انہوں نے امید ظاہر کی کہ پاکستانی میڈیا اور اٹلی میں پاکستانی کمیونٹی دونوں ممالک کے تعلقات کی مزید بہتری کے لئے اپنا مثبت کردار ادا کرتی رہیگی۔